ನವದೆಹಲಿ,ಜು,೨೪-ಅಕ್ರಮ ಹಣ ವರ್ಗಾವಣೆ ಪ್ರಕರಣಕ್ಕೆ ಸಬಂಧಿಸಿದಂತೆ ಜಾರಿ ನಿರ್ದೆಶನಾಲಯ(ಇಡಿ) ದೆಹಲಿ ಮತ್ತು ಮುಂಬೈನಲ್ಲಿರುವ ರಿಲಯನ್ಸ್‌ಗ್ರೂಪ್ ಅಧ್ಯಕ್ಷ ಅನಿಲ್ ಅಂಬಾನಿಗೆ ಸಂಬಂಧಿಸಿದ ಸ್ಥಳಗಳ ಮೇಲೆ ನಡೆ ನಡೆಸಲಾಗಿದೆ.
ಹಣ ವರ್ಗಾವಣೆಗೆ ಸಂಬಂಧಿಸಿದಂತೆ ಸಿಬಿಐ ದಾಖಲಿಸಿದ್ದ ಎರಡು ಎಪ್‌ಐಆರ್ ಪ್ರಕರಣಕ್ಕೆ ಕುರಿತಂತೆ ಈ ದಾಳಿ ನಡೆಸಲಾಗಿದೆ ಎನ್ನುವ ಮಾಹಿತಿಗಳು ಲಭ್ಯವಾಗಿವೆ
ಕಾರ್ಯಾಚರಣೆಯ ಭಾಗವಾಗಿ, ಇಡಿ ಅಧಿಕಾರಿಗಳು ಪ್ರಕರಣಕ್ಕೆ ಸಂಬಂಧಿಸಿದಂತೆ ೫೦ ಕ್ಕೂ ಹೆಚ್ಚು ಅನಿಲ್ ಅಂಬಾನಿ ಅವರ ಸಂಸ್ಥೆಗಳ ಮೇಲೆ ದಾಳಿ ನಡೆಸಿ ದಾಖಲೆಗಳನ್ನು ಪರಿಶೀಲಿಸಿದರು. ೨೫ ಕ್ಕೂ ಹೆಚ್ಚು ವ್ಯಕ್ತಿಗಳನ್ನು ಸಹ ಪ್ರಶ್ನಿಸಲಾಗಿದೆ. ಮೂಲಗಳ ಪ್ರಕಾರ, ತನಿಖಾ ಸಂಸ್ಥೆ ಸುಮಾರು ೩೫ ಸ್ಥಳಗಳಲ್ಲಿ ಶೋಧ ಕಾರ್ಯಾಚರಣೆಗಳನ್ನು ನಡೆಸುತ್ತಿದೆ. ಇಡಿ ನಡೆಸಿದ ಪ್ರಾಥಮಿಕ ತನಿಖೆಯು “ಬ್ಯಾಂಕ್‌ಗಳು, ಷೇರುದಾರರು, ಹೂಡಿಕೆದಾರರು ಹಾಗೂ ಸಾರ್ವಜನಿಕ ಕಂಪನಿಗಳಿಗೆ ಮೋಸ ಮಾಡಿ ಜನರ ಹಣವನ್ನು ಅಕ್ರಮವಾಗಿ ಬಳಸಿಕೊಂಡ ಪ್ರಕರಣ ಇದಾಗಿದೆ” ಬಹಿರಂಗಪಡಿಸಿದೆ.
ಶಂಕಿತ ಅಪರಾಧಗಳಲ್ಲಿ ಯೆಸ್ ಬ್ಯಾಂಕ್ ಲಿಮಿಟೆಡ್‌ನ ಮಾಜಿ ಪ್ರವರ್ತಕರು ಸೇರಿದಂತೆ ಹಿರಿಯ ಬ್ಯಾಂಕ್ ಅಧಿಕಾರಿಗಳಿಗೆ ದೊಡ್ಡ ಅಸುರಕ್ಷಿತ ಸಾಲಗಳನ್ನು ಒದಗಿಸಲು ಲಂಚ ನೀಡಿರುವುದು ಸಹ ಸೇರಿದೆ.
೨೦೧೭ ಮತ್ತು ೨೦೧೯ ರ ನಡುವೆ, ಯೆಸ್ ಬ್ಯಾಂಕ್ ರಿಲಯನ್ಸ್ ಅನಿಲ್ ಅಂಬಾನಿ ಗ್ರೂಪ್ ಅಡಿಯಲ್ಲಿರುವ ಖಂಂಉಂ ಕಂಪನಿಗಳಿಗೆ ಸುಮಾರು ೩,೦೦೦ ಕೋಟಿ ರೂಪಾಯಿ ಸಾಲವನ್ನು ವಿತರಿಸಿದೆ ಎಂದು ಹೇಳಲಾಗಿದೆ. ಯೆಸ್ ಬ್ಯಾಂಕಿನ ಪ್ರವರ್ತಕರು ಸಾಲಗಳನ್ನು ಮಂಜೂರು ಮಾಡುವ ಮೊದಲು ತಮ್ಮ ಖಾಸಗಿ ಒಡೆತನದ ಕಂಪನಿಗಳಿಗೆ ಹಣವನ್ನು ಪಡೆದಿದ್ದಾರೆ ಎಂದು ಹೇಳಲಾದ ಅಕ್ರಮ ಕ್ವಿಡ್ ಪ್ರೊ ಕ್ವೋ ವ್ಯವಸ್ಥೆಯನ್ನು ಪತ್ತೆಹಚ್ಚಿರುವುದಾಗಿ ಇಆ ಹೇಳಿಕೊಂಡಿದೆ.
ಕಳಪೆ ಅಥವಾ ಪರಿಶೀಲಿಸದ ಹಣಕಾಸು ಹೊಂದಿರುವ ಕಂಪನಿಗಳಿಗೆ ನೀಡಲಾದ ಸಾಲಗಳು, ಬಹು ಸಾಲ ಪಡೆಯುವ ಸಂಸ್ಥೆಗಳಲ್ಲಿ ಸಾಮಾನ್ಯ ನಿರ್ದೇಶಕರು ಮತ್ತು ವಿಳಾಸಗಳ ಬಳಕೆ, ಮಂಜೂರಾತಿ ಫೈಲ್‌ಗಳಲ್ಲಿ ಅಗತ್ಯ ದಾಖಲೆಗಳ ಕೊರತೆ, ಶೆಲ್ ಘಟಕಗಳಿಗೆ ಹಣವನ್ನು ರವಾನಿಸುವುದು ಮತ್ತು “ಲೋನ್ ಎವರ್‌ಗ್ರೀನಿಂಗ್” ದ ನಿದರ್ಶನಗಳು ಸೇರಿದಂತೆ ಹಲವಾರು ದೋಷಗಳನ್ನು ತನಿಖೆಯು ಗುರುತಿಸಿದೆ.
ಲಂಚ ಆರೋಪಗಳು
ಈ ಅಕ್ರಮ ಸಾಲಗಳನ್ನು ಸುಗಮಗೊಳಿಸುವಲ್ಲಿ ಹಿರಿಯ ಯೆಸ್ ಬ್ಯಾಂಕ್ ಕಾರ್ಯನಿರ್ವಾಹಕರು ಮತ್ತು ಪ್ರವರ್ತಕರು ಭಾಗಿಯಾಗಿದ್ದಾರೆ ಎಂಬ ಆರೋಪವನ್ನು ಮೂಲಗಳು ಸೂಚಿಸಿವೆ. ಕೆಲವು ಖಂಂಉಂ ಕಂಪನಿಗಳಿಗೆ ದೊಡ್ಡ, ಅಸುರಕ್ಷಿತ ಸಾಲಗಳನ್ನು ಅನುಮೋದಿಸಲು ಪ್ರತಿಯಾಗಿ ಪ್ರಮುಖ ಬ್ಯಾಂಕ್ ಅಧಿಕಾರಿಗಳು ವೈಯಕ್ತಿಕ ಪಾವತಿಗಳು ಅಥವಾ ಪ್ರಯೋಜನಗಳನ್ನು ಪಡೆದಿರಬಹುದು ಎಂದು ತನಿಖಾ ಸಂಸ್ಥೆ ಶಂಕಿಸಿದೆ.
ರಾಷ್ಟ್ರೀಯ ವಸತಿ ಬ್ಯಾಂಕ್ ಭಾರತೀಯ ಭದ್ರತಾ ಮತ್ತು ವಿನಿಮಯ ಮಂಡಳಿ ರಾಷ್ಟ್ರೀಯ ಹಣಕಾಸು ವರದಿ ಪ್ರಾಧಿಕಾರ ಮತ್ತು ಬ್ಯಾಂಕ್ ಆಫ್ ಬರೋಡಾ ಸೇರಿದಂತೆ ಹಲವಾರು ನಿಯಂತ್ರಕ ಮತ್ತು ಹಣಕಾಸು ಸಂಸ್ಥೆಗಳು ಇಆ ಯೊಂದಿಗೆ ತಮ್ಮದೇ ಆದ ಸಂಶೋಧನೆಗಳನ್ನು ಹಂಚಿಕೊಂಡಿವೆ.
ಗ್ರೂಪ್ ಕಂಪನಿಯಾದ ರಿಲಯನ್ಸ್ ಹೋಮ್ ಫೈನಾನ್ಸ್ ಲಿಮಿಟೆಡ್ ನಲ್ಲಿ ನಡೆದ ಗಂಭೀರ ಅಕ್ರಮಗಳನ್ನು ಎತ್ತಿ ತೋರಿಸುವ ವರದಿಯನ್ನು ಸಲ್ಲಿಸಿದೆ. ವರದಿಯ ಪ್ರಕಾರ, ಸಂಸ್ಥೆಯ ಕಾರ್ಪೊರೇಟ್ ಸಾಲ ಬಂಡವಾಳವು ೨೦೧೭-೧೮ನೇ ಹಣಕಾಸು ವರ್ಷದಲ್ಲಿ ರೂ. ೩,೭೪೨ ಕೋಟಿಯಿಂದ ೨೦೧೮-೧೯ನೇ ಹಣಕಾಸು ವರ್ಷದಲ್ಲಿ ರೂ. ೮,೬೭೦ ಕೋಟಿಗೆ ದ್ವಿಗುಣಗೊಂಡಿದೆ.
