ಮುಂಬೈ,ಜೂ,೧೪: ಟೀಂ ಇಂಡಿಯಾದ ಮಾಜಿ ಆಟಗಾರ ಸುರೇಶ್ ರೈನ್ ಬರೆದಿರುವ ಅವರ ಆತ್ಮಚರಿತ್ರೆ ‘ಬಿಲೀವ್ ಎಂಬ ಪುಸ್ತಕ ಇಂದು ಬಿಡುಗಡೆಗೊಂಡಿದೆ
ಭಾರತೀಯ ಕ್ರಿಕೆಟ್ ತಂಡವನ್ನು ಪ್ರತಿನಿಧಿಸಿದ್ದ ರೈನಾ ಆತ್ಮೀಯ ಗೆಳೆಯ ಮಹೇಂದ್ರ ಸಿಂಗ್ ಧೋನಿಯೊಂದಿಗೆ ೨೦೨೦ರ ಆಗಸ್ಟ್‌ನಲ್ಲಿ ಅಂತರಾಷ್ರೀಯ ಕ್ರಿಕೆಟ್‌ಗೆ ನಿವೃತ್ತಿ ಹೇಳಿದ್ದರು. ಇದೀಗ ನಿವೃತ್ತಿಯ ಬಳಿಕ ತಮ್ಮ ವೈಯಕ್ತಿಕ ಬದುಕು ಮತ್ತು ಕ್ರಿಕೆಟ್ ವೃತ್ತಿ ಜೀವನದ ಕುರಿತಾಗಿ ಆತ್ಮಚರಿತ್ರೆಯೊಂದನ್ನು ಬರೆದಿದ್ದಾರೆ.
ರೈನಾ ತಮ್ಮ ಆತ್ಮ ಚರಿತ್ರೆಗೆ ಸಚಿನ್ ತೆಂಡುಲ್ಕರ್ ಅವರು ನೀಡಿರುವ ಸ್ಪೂರ್ತಿಯ ಪದ ‘ಬಿಲೀವ್’ ಎಂಬ ಹೆಸರನ್ನು ನೀಡಿದ್ದಾರೆ. ಈ ಪುಸ್ತಕದಲ್ಲಿ ರೈನಾ ಅವರ ಕ್ರಿಕೆಟ್ ಪಯಣದಲ್ಲಿ ಕಾಣಿಸಿಕೊಂಡ ಸವಾಲುಗಳು, ಗಾಯ, ವೈಫಲ್ಯ, ಸ್ನೇಹ, ಸ್ಟಾರ್ ಆಟಗಾರನಾದ ಕಥೆ ಹೀಗೆ ಹಲವಾರು ವಿಷಯಗಳನ್ನು ಈ ಪುಸ್ತಕದಲ್ಲಿ ಕಾಣಬಹುದಾಗಿದೆ.
ರೈನಾ ಬಿಲೀವ್ ಎಂಬ ಪದವನ್ನು ಈ ಹಿಂದೆ ತಮ್ಮ ಕೈಯಲ್ಲಿ ಅಚ್ಚೆ ಹಾಕಿಸಿಕೊಂಡಿದ್ದರು. ಇದು ಸಚಿನ್ ಅವರಿಂದ ಸ್ಪೂರ್ತಿಯಾಗಿ ಪಡೆದ ಪದ ಆಗಿರುವುದರಿಂದ ಪುಸ್ತಕಕ್ಕೂ ರೈನಾ ಇದೇ ಹೆಸರು ನೀಡಿದ್ದು, ಆತ್ಮಚರಿತ್ರೆಯನ್ನು ಬರಹಗಾರ ಭರತ್ ಸುಂದರೇಸನ್ ಅವರ ಸಹಾಯದಿಂದ ಬರೆದಿದ್ದಾರೆ.
ರೈನಾರ ಈ ಪುಸ್ತಕದಲ್ಲಿ ಭಾರತ ತಂಡದ ಮಾಜಿ ಅಟಗಾರರು ಮತ್ತು ಹಾಳಿ ಆಟಗಾರರ ಬಗ್ಗೆ ಕೆಲವು ಸ್ವಾರಸ್ಯಕರವಾದ ವಿಷಯಗಳಿವೆ. ಇದರೊಂದಿಗೆ ತನ್ನ ಸಹ ಆಟಗಾರರಾಗಿದ್ದ ಸೌರವ್ ಗಂಗೂಲಿ, ಸಚಿನ್ ತೆಂಡೂಲ್ಕರ್, ರಾಹುಲ್ ದ್ರಾವಿಡ್, ಅನಿಲ್ ಕುಂಬ್ಳೆ, ಮಹೇಂದ್ರ ಸಿಂಗ್ ಧೋನಿ ಮತ್ತಿತರರನ್ನು ಯಾವ ರೀತಿ ಅರಿತುಕೊಂಡು ಕ್ರಿಕೆಟ್‌ನಲ್ಲಿ ಮುನ್ನಡೆದೆ ಮತ್ತು ಅವರಿಂದ ಕಲಿತಂತಹ ಪಾಠಗಳು, ಸ್ನೇಹ, ಸಂಬಂಧ ಹೀಗೆ ಹಲವು ವಿಷಯಗಳನ್ನು ಬರೆದುಕೊಂಡಿದ್ದಾರೆ.
