ನವದೆಹಲಿ, ಮೇ,17:ಕಳೆದ ಮೂರ್ನಾಲ್ಕು ದಿನಗಳಿಂದ ಕರ್ನಾಟಕ, ಕೇರಳ ಮತ್ತು ಗೋವಾದ ಕರಾವಳಿ ಜಿಲ್ಲೆಗಳಲ್ಲಿ ಅಲ್ಲೋಲಕಲ್ಲೋಲ ಸೃಷ್ಟಿಸಿದ್ದ ತೌಕ್ತೆ ಚಂಡಮಾರುತ, ಮತ್ತಷ್ಟು ಶರವೇಗದಿಂದ ಇಂದು ಸಂಜೆ ಗುಜರಾತ್ ಕರಾವಳಿಗೆ ಅಪ್ಪಳಿಸಲಿದೆ ಎಂದು IMD ತಿಳಿಸಿದೆ.
ಮೇ ೧೮ ರಂದು ಗುಜರಾತಿನ ಪೋರ್ ಬಂದರು ಮತ್ತು ಮಹುವಾಂನ್ ಬಂದರುಗಳಿಗೆ ಅಪ್ಪಳಿಸಲಿದ್ದು, ರಾಜ್ಯದಲ್ಲಿ ಗುಡುಗು ಸಹಿತ ಭಾರೀ ಮಳೆಯಾಗುವ ಮುನ್ಸೂಚನೆ ನೀಡಿದ್ದಾರೆ.
ಈಗಾಗಲೇ ಸ್ಥಳದಲ್ಲಿ NDRFನ 50 ತಂಡವು ಮೊಕ್ಕಾಮ ಹೂಡಿದ್ದು, ಜನರು ಆತಂಕಕ್ಕೆ ಒಳಗಾಗದಂತೆ ಧೈರ್ಯ ತುಂಬುವ ಕಾರ್ಯದಲ್ಲಿ ತೊಡಗಿರುವುದಾಗಿ NDRF DG ಎಸ್ ಎನ್ ಪ್ರಧಾನ ಮಾಧ್ಯಮಗಳಿಗೆ ತಿಳಿಸಿದ್ದಾರೆ.
ತಮಿಳುನಾಡಿನಲ್ಲಿ ಗೋಡೆ ಕುಸಿತದಿಂದ ಕೆಲವರು ಅಸುನೀಗಿದ್ದರೆ, ಕರ್ನಾಟಕದಲ್ಲಿ ತೌಕ್ತೆ ಆರ್ಭಟಕ್ಕೆ 6 ಜನ ಬಲಿಯಾಗಿದ್ದಾರೆ. ಗುಜರಾತ್ ತೀರದಲ್ಲಿ ತೌಕ್ತೆ ಚಂಡಮಾರುತ ಅಬ್ಬರಿಸಲಿದ್ದು, ಭಾರೀಮಳೆಯ ನಿರೀಕ್ಷೆ ಇದೆ.
ಮೀನುಗಾರರು ಮತ್ತು ಸ್ಥಳೀಯರು ಸಮುದ್ರಕ್ಕೆ ಇಳಿಯದಂತೆ ಕಟ್ಟೆಚ್ಚರ ವಹಿಸುವಂತೆ ಇಂಡಿಯನ್ ಕೋಸ್ಟಲ್ ಗಾರ್ಡ್ ಸೂಚಿಸಿದೆ.
